好少同朋友見面，亦識少左新朋友，導致自己冇哂貨又冇精力去維繫自己個廁所位。
就係5月，總算有點新轉機。
小小的新事物令我想打一篇老老土土的文章。
事源，係5月4日，有位阿sir 係自己架車條汽候下面個盤發現左一隻若一兩星期左右大的小貓。
阿sir 自己估計隻小貓留係佢架車有兩日，即係話兩日冇食過野，又過d 風馳電掣既日子（個阿sir 聲稱自己開百幾二百米）。
一隻身世可憐的小貓，引起多位同事的關注。
大家開始自動自覺輪流照顧小貓貓。
一起初，我地面對一隻體形細過自己手板既小貓貓。
唔係好識行，唔識自己食野，唔識自己去大小二便，唔識喵喵叫。佢既身邊沒有媽媽又沒有同伴。
要面對如斯小巧既生命，各位都有點不知所惜。
我地一步一步的學習，讓佢一步一步地成長。
由開下貓奶，學下點餵佢，再學下引佢大小二便（佢要人手引佢排泄，不然佢冇output架）
餵下餵下，訓下訓下。
都感覺到佢成長。
個過程都幾厭惡架，隻貓大大下，餵佢食奶0個時，又勁爭扎，又自動排泄，攪到大家成手都係奶同排泄物。
不過，見到初初佢由食完就訓，長大後食完就玩再訓。
見到佢識得行行企企，跳黎跳去，純粹一些極常見的動態，已經足以令人好開心。
而家都有一隻半既手咁大隻喇。
仲有，剛過的的星期五，見證佢自己識行去貓沙到痾屎，大家都拍案叫絕。
係呀，大家為左壇屎而拍手，真係好奇妙。
以前見到d 女仔見到d 小動物就chok 哂聲，咦哇鬼叫，就覺得佢地扮哂野，作狀到爆。
但係，而家面對咁小巧既生命，原來真係會好自然咁chok 聲。唔講我啦，我見到有位練到好大隻既阿sir，佢餵貓0個時，真係chok 哂聲，又勁溫柔咁講“唉呀貓貓，你唔好唔開心啦“。
旁聽者心都不禁想 “wow，原來你份人咁架“
但係，而家面對咁小巧既生命，原來真係會好自然咁chok 聲。唔講我啦，我見到有位練到好大隻既阿sir，佢餵貓0個時，真係chok 哂聲，又勁溫柔咁講“唉呀貓貓，你唔好唔開心啦“。
旁聽者心都不禁想 “wow，原來你份人咁架“
此外，見證小生命既成長，明白到原來健康同基本既求生本能都唔係由有心跳0個刻開始。見佢慢慢開始有貓既動態，又發出輕微而正宗的喵喵聲，令人意識到生命的軌跡 （好老土呢）。
小貓貓更令我相信人同動物之間亦要帶點緣份。
聽到d 阿太阿伯講，我隻貓我隻狗係返黎報恩架。以前覺得e d人都忽上腦。
人就係人，禽生就係禽生，兩回事。
但貓貓既出現，都真係令我改觀。
其實隻貓上左出哂名係貓痴既阿sir架車，如果係其他人可能嚇走佢就算；又或者遲多日發現佢，佢可能已經餓死左。
人就係人，禽生就係禽生，兩回事。
但貓貓既出現，都真係令我改觀。
其實隻貓上左出哂名係貓痴既阿sir架車，如果係其他人可能嚇走佢就算；又或者遲多日發現佢，佢可能已經餓死左。
又好彩遇到咁大班好心人，花心機照顧佢。
又好彩地好快有人收養佢，佢好快可以安安穩穩做隻家貓。
一切都好似注定好，讓大家遇上大家。
生命的確影響生命。
我地延續了小貓貓的生命；同時，貓貓亦燃亮了我們的生活。
眼見面對重大壓力的同事們，對著小貓貓開懷大笑；亦把我們同事之間拉近，彼此了解多些。
今日起，小貓貓已生大了，全職當一隻家貓，不會回來了。
不論點啦，都好想佢健康成長，好多謝佢帶比我一連兩個禮拜比變變變生命力更有生命力的體會。
唔好意思，今次chok 左d。
生命的確影響生命。
我地延續了小貓貓的生命；同時，貓貓亦燃亮了我們的生活。
眼見面對重大壓力的同事們，對著小貓貓開懷大笑；亦把我們同事之間拉近，彼此了解多些。
今日起，小貓貓已生大了，全職當一隻家貓，不會回來了。
不論點啦，都好想佢健康成長，好多謝佢帶比我一連兩個禮拜比變變變生命力更有生命力的體會。
唔好意思，今次chok 左d。
文: 區比亞
自2010年藝術畢肓生
理論上逢星期五 VAPIN 發佈
