承上期訪問 鄭家榆 (上)，為令讀者更認識藝術家本人，是次對談先介紹幾件有代表性的舊作，另對香港藝術教育交換意見。
kawah :先說你那件尚在進行中的"拾回的菲林"(http://qr9wr1hi9ty3dd2.tumblr.com/)，很多人聽過個concept都話正，我覺得或多或少因為這很能hit中本土文化界的懷舊主題，我知這不是你的故意計算......但對於"懷舊"你有什麼想談？
鄭家榆：我唔覺，咁講都未免太膚淺。而且懷舊一旦流於鄉愁式，就只會滋養對英殖時期嘅美好回憶（而無晒衰嘢，如一切美好回憶般虛假）同埋歌頌以為「個人努力就是一切」嘅獅子山精神。香港唔單只無藝術史，就連香港歷史都被簡化論述為「小漁村經濟起飛變國際大都會」。黃子華話齋，香港只係轉會（唔係解殖）。(編按：出自演出"秋前算賬", 1997)
至於執菲林，純粹八卦。同埋，我唔執啲菲林，一個唔覺意就會走光，乜都無晒。
Kawah：咁我覺得，啲菲林唔晒出黎咪仲加美麗 ... ...
 |
| #890604 |
所以唔特別覺得要實體嘅物件做作品，但之後要展覽時就諗，印出嚟偏色其實係一個詮釋問題，printer 點樣詮釋個顏色碼。
鄭家榆：源自另一件未完成作品（其實呢件都未完成），嘗試喺小畫家將細字放大（啲字會變到一塊塊，參考附圖）睇下化約到點先睇唔到啲字。發現當一個字失去咁多細節資訊之後仲辨認到，覺得好神奇。類似係想摸下呢種媒介嘅極限，用最少資訊表達最多訊息，或者加入大量雜訊但又唔影響訊息內容。
咁喺大學空堂去到圖書館張枱見到膠紙痕，自然又好順手畫多兩條。（聽講藝術原初係要模仿嘛。）
Kawah：呢件好講手藝，我想起名畫＂繪畫的起源＂
鄭家榆：其實好易畫。
Kawah：縱觀以上，你的作品都很minimal
鄭家榆：唔好見到作品無嘢就以為係 minimalism， minimalism 唔係淨係「無乜嘢咁／無印」嘅感覺。其實教小朋友畫畫就梗係畫唔到 minimalism（編按：你教過畫未？（上） ），好有系統去教都未必得。就算係教大學生畫，如果唔重視工藝、技巧，又唔知脈絡的話，咪又一樣徒具形式。中二嗰陣，學校教 abstract expressionism，梗係咩都唔知，只係見到 Jackson Pollock 潑下油（學校又好似有張大畫係咁掛咗喺度－當然係同學作品），去到中六先知到底發生咩事。
Kawah：這題目可廷伸到本人都持續思考的藝術教育上（特別是畢業後兩年）－－香港的藝術教育需要什麼。
正如你所講，如果什麼歷史脈絡也不懂又如何去做作品，但我地VA唔係無教而只能（因時間關係）教好表面，可能是一兩個學期，然後可能手藝都未夠時間磨練，就直接用modern art個套來做創作，thats why VA畢業展的作品一定有concept呢part－－即使是油畫，或其他其實無需多加解釋的作品。
至於VA學生能否於大學三年內初接觸就能駕馭modern art這套語言，則是個人造化，當中有不成熟的作品也很正常。
而講到concept，正如你上一篇提過，某些VA作品嘗試指向某些問題唯深度不足，我認為思考能力不足是大學生的通病，這體現了香港的中小學教育的遺害。
我個人是這樣認為，讀完三年VA當不成 Artist 並非什麼憾事，能夠擺脫香港教育扼殺創意的思考模式已是不錯的成就了。
(to be continued)
香港藝術評論 - 高度 expressive 的鄭家榆 (Highly expressive, Cheng Ka Yue): http://www.artreview.com.hk/high-expressive-cheng-ka-yue
(編按：鄭家榆舊作的藝評，雖寫得有點誇張，例如文中指其中一件畫作好過李傑，但對研究其創作歷程不失為有用的資料補充)
文 : cheng ka wah
