比賽黑暗面（黎料）

唔好意思一次又一次既甩稿
要睇以下篇文，請先要睇 http://vapin.blogspot.com/2012/04/blog-post_14.html

即使係d小比賽，都令我體會到比賽，真係志在參與。
勝出同能力、實力其實都未必咁有關聯。

首先，比大家睇睇d 作品先。
以下既作品係以Fernand Leger 為題。

Three Women by a Garden (1922)

好喇，咁收到好多好得意既作品。

1．條友個膊頭飛d文具出黎，好搞笑。

 2．條機械魚要用d星星黎引佢行，好得意，機器都會有慾望。

 3．e度睇唔到佢好睇既地方，e張畫係成張用蠟筆畫，大家都知蠟筆係點畫都唔均勻，好粗糙既texture，而e張畫就係texture 咁豐富。

 4．e張其實真係切合主題之餘，又有佢用心既地方，機械人設定在遠古時代，未來vs遠古，其實比題目要求既做得還要多。

 5. e張係我一收到，就“嘩“一聲，真係好靚，e位同學仔只係小五，但係就技巧就非常熟練同精細。

6．e張畫好有孤寂既感覺，我唔知係我個人感覺定點，兩枝花應該係有相對既意思，你地又點睇？

7．e位同學仔，係咁多個參賽者最細既一個，好似小二定小三。其實，佢真係畫到個機械人真係似bb 仔。

 8．對住e張畫，我都不禁想講一句：Hello~

 9. 係咁多張畫呢，我覺得e張係最脫俗～最特別。

 10．其實我覺得e張畫幾有dali 既味道，唔知大家有冇留意，其實張張畫都特定左一個齒輪。而e位同學仔好笑既係，張個齒輪創作成一個轉動梗既電鋸，好明顯係走去鋸爛棵怪樹。

 11．一睇e張就知係來自女孩子手筆，我就好鍾意佢既星空衫。

 12．e張堅正，咁細個人仔，點解佢可以畫一張與時間追逐既畫。同埋，e個setting 有d似差利既摩登時代。

 13．e 張，其實畫得靚架，不過e度睇得唔係好清楚，佢係畫梗由平常人蛻變成機械人。

14．Yes , I do.

15. 佢畫到個人物好似非洲土著，我覺得好少小學生會畫非洲土著。

 16．一幅勁有story 既畫，o poor girl！

17．ok，其實我唔知咩叫戰爭拉麵，我睇0個時，真係“cap“一聲笑左出黎，有冇人可以話我知咩叫戰爭拉麵？定係佢表現梗dadaism  ？

 18．e 張就係好貼題既例子。

19．佢場景好得意，就咁睇係一個唔寫實既屋企，但係睇耐d，佢係放左架單車係中間架。









好喇，大家又睇哂喇，如果要你地揀5張最好，你地會點揀呢？
希望大家留言話我知。










而家，我地又點揀呢，e 個就係黑暗既一面：
一．睇學校，每間學校揀一兩份出黎。 原因：登出黎既話，就會好似好睇d，形造出好似好多學校參與。就算有一間一次寄30份優秀作品，我都係最多係揀二份；若然，有一間得一份，咁0個位同學仔得獎既機會就會好大。

二．好仆街，出名既學校或者出名有錢既學校既學生，得獎既機會又會大d。因為咁樣會易r sponsor。

三．唔會比之前既得獎者再得獎多次。一來，想其他學生都拎下獎開心下；二來，黎黎去去0個幾個拎，又係面子上既問題。

四．色彩豐富大於創意澎湃既concept 。因為，多彩色既畫登出黎，係比較服眾。d人只係靠第一眼黎評審，“嘩你睇下，人地幾有心機上色呀！ “

我講到咁，大家又再估下，得獎係邊幾張？

答案係：2、3、5，18，19

我唔知同大家心目中最好既5張一唔一樣，如果以我平常心去揀，我一定唔會咁揀。

我都只不過係一名大打雜，我都要睇老細意願，同睇sponsor 面口。
有好多無奈之處。

就係因為自己參與評選e d比賽仔，令我體會到所有比賽既情況：好多時，各單位都會互相受制，愈大型既比賽就愈要睇牌面，邊個係老細、邊個係攪手、個比賽本身個江湖地位之類。
例如，個比賽想多d人報導，就係有d出人意表既驚喜，可能就偏偏個揀個參賽者最細0個或有缺陷既、有社會議題之類。
又或者，個比賽本身就係有返咁上下江湖地位既，就係揀d得獎者本身係出名既、有名氣既，壓一壓場。

所以，比賽本身就係參與，比個機會你發揮下。

黎梗雙年展，大家又準備好未？

BUAVA，要站起來，除了抗爭，大家亦可以向外展示一下我地既本事。

文:　區比亞

自2010年藝術畢肓生

理論上逢星期五 VAPIN 發佈