我想問大家唱k 0個時，有冇邊個本地流行mtv 你係記得架？
我會用3個字黎形容： 一9 樣。
都唔駛太仔細描述，我估大家都有同感。
其實80年代music video 岩岩興起，有人講過music videos killed the music。
原因，music video 提供視覺享受：觀眾會被歌星既外型，影片中既故事，亮麗既事物而分散對音樂既注意。所以當時就有 killed the music e 個講法。
但係，其實我覺得一個成功既mtv 可補足首歌既意義。
有時仲可以挽救一首歌。（你知啦，其實唔係咩歌都有水準架ma）
首先，我真係要講講，我好鍾意michel gondry，一個好有童心既mtv 大師。
因為佢可以用佢既創意令佢個人既style，佢既personal preference 提昇到一首歌，又合乎主流口味。
以下是beck 既 一個2006既mtv，有好多michel gondry 常用既elements ： 如robot ，影像與節奏既配合。
我本身都鍾意beck，但我想講，michel gondry 救哂首歌，首歌真係好乏味，冇哂beck 本身有既活力。不過，michel gondry拍既 mtv 就好有驚喜。
首先玩好多對立既原素，人變死物，室外變室內，古老變科技。
所有物件既活動都係走去對面，由對面就回來，夾返首歌一樣係咁looping 。
而成首歌又玩一個大對立就係beck 似走佬咁既款返到室內，但係室外既野又勢唔估唔到咁走入屋內。d 野係咁交錯，好攪笑好驚喜，起碼會令我會有心睇哂成個mtv。
同埋，一個成功既mtv，仲令觀眾感受到歌手本身既創意。
我相信我講到咁，大家都知我想講ok go
ok go既mtv 次次都會有人post 上fb，次次都會比ok go 洗左板！
唔係唐唐，e 個mtv 仲會係人個wall 度。
以下，就應該佢地第一個跑出既mtv
e 個真係覺得好經典。
我覺得佢地勁既地方係，
作為一隊band，mtv 唔一定要出現guitar，另外，band 同跳舞組合都唔一定對立。
仲有既係，物件有好多個玩法，你勢估唔到跑步機係咁玩。
concept 簡單，又好笑又有新鮮感，成本又低，反正成隊band 冇個靚仔，一個still cam 就拍哂，冇filter，冇close up，
e d 咪就係創意law。
其實，hk 已經多人唱k 架啦，d mtv 可以多返少少水準，d 字幕可唔可以唔好新細明體。
又或者學下一個我其中一個至愛既mtv
bob dylan！！！！！
又係一個still cam 既mtv （ 我對still cam 情有獨鍾）
bob dylan d 詞真係一流，咁就直接用d 詞做mtv 個motif，帶到首歌既message。
其實hk d mtv 都可以試下啦，唔好成新細明啦唔該。
各位又鍾意咩mtv 呢？我想睇多d 其他國家既，希望大家介紹比我。
文: 區比亞
自2010年藝術畢肓生
逢星期五 VAPIN 發佈
