就到喇禾～
大家有否感到煩惱？
e d 日子，好鬼怕係條街度，
見到d女仔拎棵大過鐵樹蘭既花，走黎走去。
得喇得喇得喇，有拖拍喇，好叻喇～
仲揚過社民連去示威。
坦白講，e 個日子，個情人係商家，係咁鼓勵消費，
而家d大舖小舖都推出情人節禮物，一份package ，幾無聊都有，
一個大盒，放堆碎紙墊住個膠扮金既匙扣，再加多支孖精，咁就收你3舊水。
我唔太知e 個日子點黎，又邊條友話情人要係情人節慶祝。
條友咁有料，麻煩醒多少少，將佢變成公假。
有多少少誠意，好似屈原咁，咁就有公假。
講到咁，好有怨婦feel，就咁睇，梗係以為我係單身中女，
好彩，我係中女，但唔係單身。
老土d 講，相處得開心，日日都係情人節。
我有建議，係情人節裡，不如試下倒轉個模式黎慶祝。
d 情侶試下完全唔搵對方，唔msn，唔whats apps，唔Facebook，唔見對方。
睇下一日冇對方既蹤跡，會唔會令你個腦海更會浮現你同佢既回憶。
好好地想下、好好地回味、好好地檢討下，大家既相處。
咁仲有情人節既意義。
用一日時間黎想住對方，e d 先叫浪漫。
而仲未有情人既你，只要你0個日唔好周街走，唔好睇tvb。
就唔覺e 個節日存在中。
文: 區比亞
自2010年藝術畢肓生
逢星期五 VAPIN 發佈
