我對美女既鍾愛，基本上係一個字～濫。
不論任何年代，任何國藉，任何年紀，只要係靚女，我都會留意，甚至會花時間研究。
今日我要揭開我鮮為人知既一面，
係因為我睇左「情迷夢露7天」，感到無比既失望。
我睇既原因係因為我都真係幾鍾意Marilyn Monroe。
奈何，我覺得「情迷夢露7天」個女主角堅唔係０個回事。
但係，我唔想再回想e套戲喇～ 唉～ （對唔住，我錯，我唔應該主動約人睇ｅ套野）
Marilyn Monroe，應該佢既肖像人人都見過，亦唔會陌生。
但係，大多人都應該係「認得」Marilyn ，而並唔係真係感受佢。
以前，我都係「認得」Marilyn，個印象都係停留係佢既玲瓏身段，兼佢0個條反地深既裙。
至於佢個樣，大概片留於朦朦朧朧之間，依稀記得那雙不開不合的眼睛以及永不閉上的嘴巴。
這顆經典的電影巨星，
無人不識，諷刺地佢既戲，睇過既人並唔多。
我鍾意佢始於睇左佢其中一部作品「熱情如火」－Some like it hot (1959)。
我要強調，我睇既原因並非任何一份功課project，
而係因為一個字～「毒」。
當時太好奇佢既魅力所在，而當年BT 係火紅火熱既年代，所以我易如反掌地BT 左，
仲要有埋中文字幕，哈哈！在BT 這個汪汪大海中，為什麼好揀唔揀，要揀Some like it hot，
係因為我從個名覺得佢應該係一套咸片。（係唔係好毒呢）
係睇之前，其實都冇咩太大期待，預計Marilyn, 都係當一名花瓶，戲肉都只不過她在鏡頭前搔首弄姿。
但睇完之後，卻有意想不到的驚喜，而事實上，我剛巧BT了Marilyn 經典電影之一。
當然，Marilyn依舊當一名花瓶，依舊搔首弄姿，但係故事係異常地過癮。
裡面大玩gender performativity ，同埋最後，以喜劇形式包裝了一對同性戀既戀人。1959年同性戀係忌諱，但基於個手法，成功地淡化了而且仲增添幾分笑料。
套戲呢，就唔多講喇，大家自己睇啦。
我係睇完套戲，先留意到Marilyn 係鬼死咁靚～
精緻的五官既深邃又立體，襯在小巧的面孔。
在黑白片中，份外地顯露出她那雙清亮透徹的眼睛。
最令我意想不到的是，原來這個一代Sex Symbol, 在戲中的她卻是一臉稚氣。
即使當年已有三張的她，笑容仍有一份天真爛漫。
睇睇下，其實佢同Andy Warhol 其中一顆Factory girl - Edie Sedgwick 都有幾分相似。
除了意外地發現那張天使的面孔，亦發現不坦露乳的她更見性感。
戲中，她事實上很少大ｄｅｅｐ ｖ或反地深的打扮，相反地，時常以毛茸茸的皮草示人，我反而更喜歡這個她，突顯她骨子裡的性感。
很記得，她穿上大褸，手提著樂器，丁字腳地站立數秒，再稍伸一伸腳，就係ｅ下，已經捉緊觀眾的心。
很想借ｅ個度鼓勵下大家睇佢既戲，雖則她演技欠奉，但形象搭夠。
從光影下見證這位一代女神如何定下性感指標。
今日毒住咁多先，下星期見～
文: 區比亞
自2010年藝術畢肓生
逢星期五 VAPIN 發佈
