但學生又未返，咁作為一個TA 返到學校會做咩呢？
答案： 同同事一起連睇3套周星馳電影
用左2個鐘黎食個早餐
同埋
搵工
據說，今年個市差到仆街，仲差過08年，有可能連個搵工潮都冇埋。
原本真係有d驚，
我會唔會一世做TA。
但係，諗諗下，我除左一般TA 要做的濕星野之外，
我仲有「真色」，
起碼，同自己所學的尚算帶點關聯。
早排，閱讀到「十二乙」中一篇va 院長文潔華教授的訪問。
文中有數行提到「va被校方看輕，要縮減日後收生的名額，主要是因為va畢業生工資水平比其他學系的偏低」…
我不慬探討現在va收生人數是否過多這個問題。
但我認為要討論這個問題的取決點不在於我們的工資。
也許，我們工資係低，（e點我非常認同）
亦有非常多人問過我可曾後悔過主修va，
當中，亦有聘用我的上司，
我答哂你地， 我冇。
原因有很多，不過我想分享下做honors project 的歷程。
好記得，我 完成honors project 既presentation ，當時非常激動，
全身微微發抖，淚流滿面。
比起見到自己銀行個a／c 賺到第一個5位數，激動得多。
因為一份art work， 連帶著自己的孤獨、無助與眼淚。
即使在和諧的va裡，有著各位戰友為你分憂打氣，
但是在創作的旅程中仍是孤寂得不能言喻。
完成一個旅程後，那種悲喜交集的心情，至今仍記憶猶新。
在個人而言，完成一份art work，賺了認識自己、面對自己及成長的機會，亦練成「冇野係唔得」、「唔得都要得」既心態。
這份體會珍貴過第一個10k／9k／8k。
如果你理財有道，不論你的工資是多少，你的人生都可以有好多個10k，
但係一份創作的體會，人生並無幾多少次。
「va畢業生工資水平比其他學系的偏低」，
我相信因為有大部份的本系畢業生，堅持利用自己所學，正開拓在社會生存的可能性。
試問，本系也好，其他系也好，畢業後有幾多人能夠學以致用？
自問，本人也算不是，希望新一年能重返旅程。
錢就冇，命就有一條，冇野係唔得。
最後，post 一post 我當年的hon pro，
作品也許不完美，但容許我在這裡自我感慨一番。
文: 區比亞
自2010年藝術畢肓生
