ｅ兩個星期真係忙得撚。
首先，第一忙就梗係《真色》啦。
講開今期復活節既《真色》，真係駛盡哂ｄ人情牌：
有我國兼本土偉大插畫設計師，有畫壇肥鬼之稱 Mr . Lin Kwan Shing，為我地示範及分享用STAEDTLER 既心得。
（題外話：我係一個有腰骨既人，我係唔會麻木地歌頌sponsor。
講真０個句，而家promote 梗０個“ａｂｓ“ 配方，即係防斷配方，係搵鬼笨，你刨得尖，都係會碎到仆街；另外，ａｂｓ有兩個系列，一個係聲稱“可擦式“木顏色，用普通擦子膠就擦到不留痕，其實係“你呃人！“ 同一般木顏色一樣，擦完係會淺色左０個ｄ，而且筆質太硬，多蠟，難出色；另一款係“水溶性“ ｅ 個就堅係值得一買，同“可擦式“一樣價錢，logon ２４色賣梗６０蚊，質地髮軟，同埋好出色，同梗我自己０個盒幾舊水既DERWERT 真係差唔多。）
另外，仲好多謝琪琪姐姐，係訪問前已經做左萬二分既準備，我從來冇試過一個示範係如此的
ｓｍｏｏｔｈ～拍攝又快，方便埋我排版，真係好開心。邊個係琪琪姐姐？係教畫界既長腿姐姐～如果你想知係乜水，密切留意《真色》。
第二個忙，就係健康喇。ｅ兩個禮拜，一次早退，一次ｓｉｃｋ ｌｅａｖｅ。
個身體狀況都幾起伏，返工０個時，真係又暈又想嘔，一告左假，就勁精神，仲有ｄ想去玩添。
但係都要睇醫生既。
我睇既醫生，都係由細睇到大。
幾病都好，診斷時間唔會多過５分鐘。
問你咩事，答左就開包藥比你，藥到病除。
而我ｅ位醫生，佢既對答，都令我O咀。
個案一：
我：醫生呀醫生，可唔可以開ｄ唔眼訓既藥比我呀？
醫生：我開哂喉糖比你好唔好？
個案二：
醫生：我開兩日假紙比你好唔好？
我：但我聽日一定要返工禾
醫生：咁你唔想好返，我都唔勉強你既。
個案三：
我：醫生，我唔知點解，病到時不時都想嘔？
醫生：你咳到咁，個口腔唔舒服，梗係想嘔啦，你都要諗下口腔既感受架。
（其實，人體咁多個部位，咁多感受，咁理部位感受０個個部位會唔會負擔好重呢？）
而ｅ個醫生，講說話係冇表情，ｅ下先最令人ｏ咀。
文: 區比亞
自2010年藝術畢肓生
理論上逢星期五 VAPIN 發佈
