我想知，大家返工，多唔多做錯野？
我經常做錯野。
其實我知自己粗心大意。
我就算有double check x n次，個result 都會發現有錯。
我今日又發現自己做錯野。
係懺悔之前，我先要交代自己打梗一份咩工
我係一間機構做野，而間機構就under 一間學校；而間學校又under 一個機構。
我做梗0個間機構就叫true colors。
定期出份leaflet 咁大份既兒童藝術刊物，免費派比新界西區既小學。
份刊物會定期有d 小比賽，我今日聯絡得獎者個家長，通知佢黎拎獎品。
以下是我們得對話：
我：恭喜哂，xxx 同學份作品好出色，佢得獎喇。
xxx家長： 哦，不過，你地岩岩出0個份真色，你地係刊登左我個仔份作品，不過份作品下面唔係我個仔個名禾，我個仔個名，係第二份作品下面禾。
我；哦，係呀，我通知返有關同事先，唔好意思。
又一個錯誤。
不過，其實有關同事，都係我本人。
收作品，揀作品，排版，都係我。
其實每次我做錯事，我好內疚。
no excuse～
即使我好想轉工，都希望想把事情做好。
每次做錯事，都會寫係張memo 紙提自己唔好犯同樣既錯，點知次次錯既野都鑊鑊新鮮鑊鑊金。
好在，我間機構true color，係one person team，雖然一個人處理哂所有野係辛苦，不過，錯左，就算有人黎投訴，都係打比我。
模擬處境題：
1．讀者x：你地份野d 資料錯哂架！有冇攪錯呀，教壞細路！
我： 好多謝你既提點，我會同有關同事反映下。
2．sponsor x：你地d野 behind schedule 禾，幾時有呀d野？
我： 得得，冇問題，我會吹吹我地個designer, 盡快起到個layout 比你。
3。學校x： 今次你地送少左100份true colors 黎禾。
我：係呀，唔好意思，我問一問物流0個邊d同事先。
（其實所有有關既同事都係我，yeah！）
我發現，即使做錯野，個錯誤既嚴重性係處決於係邊個人知。
再舉個例：
我1x歲0個時係哈特斯做part time，有時會做炸雞位。
正常既程序係，如果整梗野食期間，掉左食材落地下，要通知經理，件食材就會掉去垃圾桶。e個程序叫「報waste」。
我返親工，都係星期六、日，係d繁忙日子，裡裡外外都好似打仗咁。
有次我part 梗個名叫「雞超」既同事，我做炸雞，佢做廚房。
樓面出梗call 要10round 雞，一round 即係一打。
好急！
我要跑入大雪櫃，捧一大箱雞出黎。因為跑出黎，我踩到塊冰。
咁就當然要仆街啦。
好彩，當年年青既我，一個翻身，大腳一踩，企返好。
不過，就跌左1x隻雞翼係地下。
當時，頂！咁冇時間，仲要報waste。
e個時候，雞超就大叫，快d執起d雞，掉落油車炸啦，趁個經理仲未知。
仲要補充一句：咁高溫，乜菌都死啦。
咁我照住做啦，果然，
冇事！
作為一個卑微既打工仔，自然就多野做架啦，正所謂多做多錯，錯係在所難免。
最梗要就係，知錯能蓋，要比你上司早一步知，咁樣你就可以自保。
不過，我希望自己做野更小心，因為發現自己做錯野，最hurt 既係自己。
祝大家好運！
文: 區比亞
自2010年藝術畢肓生
