但係感情生活就唔豐富喇。
唔怕坦白講，我係「被reject 女王」，
所以以前好鍾意睇bj單身日記，因為有共嗚。
長期都覺得bj 係個童話故事，
甚至有d 超現實。
近排憶起一個n年前係903聽返黎一個近似既故事。
個故事係黎至一位女聽眾親身分享的。
故事內容：
「我0個時仲係讀梗大學，有位生得好靚既女同學話帶我出去d酒吧見識下，基於好奇心，咪去law。但又因為自己內斂，所以都以平時返學既打扮，著住件soc tee加對波鞋咁就同我位女同學去左。
去到既時候，我e位又高又靚，打扮又性感既女同學，自然成為全場焦點，成晚一堆又一堆的男人圍住她，而我除左見證這個場面之外，就沒事幹。直至，有另一間大學既男生前來搭訕，佢地既目光當然同樣地放係我那位女同學度，除左一位，我覺得係當中至靚仔的那一位，佢偏偏主動同我傾計。而我當時都沒有太理會，認為是利用我來結識我的朋友，當晚我們只交換了msn 就算。
隨後，佢真係係msn 同我聯絡，傾傾下，慢慢熟左再約出黎，而約出黎既時候，佢既打扮已經唔係0個日去酒吧0個個靚仔look，用返佢平時既look，即係波褲加tee仲要戴住副眼鏡，對眼變得細。
即使係咁，我地冇幾耐就一齊拍拖喇，而家佢已經係我老公喇～
佢而家仲要肥左好多，不過我都仲係好愛佢，即使係咁我時不時係d重要日子，叫佢變返第一次見0個位酒吧靚仔出黎，佢次次都話而家先係至靚仔，哈哈！
我地岩岩一齊0個時，我有問佢，做咩偏偏會同我講野，我身旁明明有位比我更高，更性感，更靚既女仔，佢話佢先唔會show d 庸脂俗粉。0個時聽到真係覺得自己好幸運架！」
e個愛情故事，既真實又具有勉勵性。
同埋，真係好打動到我。
也許，這個世界沒有太多幸福醜小鴨的故事。
要醜小鴨變成天鵝的則太多太多。
實在有太多太多既戲，要用一個鐘時間黎講個醜樣女主角大變身，由豬扒變靚女，用最後15分鐘交代女主角愛情事業兩得意的結局。
好悶law！唔該！
我想問問大家，有冇戀上過醜小鴨？
坦白問大家，大家擇偶時，對方既外表，會係你考慮因素之一嗎？如果會，又會佔幾多成？
最後，我要多謝你，＿＿ ！
同埋，新年，我祝仲係單身既你，桃花盛開！
文: 區比亞
自2010年藝術畢肓生
