想試下當一個柔弱靚女既滋味。
我咁講，睇梗BLOG 既你應該都大叫" 收皮啦你"
冇錯,係現實中, 你用開一個IMAGE , 想改變, 係有難度。
難度在於, 一個IMAGE 係有一個套餐跟尾。
個IMAGE, 有時基於你份職業而設定, 就好似, 你做教書既, 你個ＩＭＡＧＥ就要好賴係為人師表, 個套餐包括：做老師係唔會著波鞋, 興趣係去下圖書館, 彈下琴。 課堂上, 對住班患左語癌既低B, 講黎講去都係0個幾句唔正確既粗口, 你明知你一爆粗佢地就無地自容, 但基於E 個職業上IMAGE, 你都要忍下去, 因為E個IMAGE 係設定左"講粗口係唔岩架"。
又有時你個IMAGE 基於你既群眾環境,例如: 你個ＩＭＡＧＥ係非宅男類, 認識份子, 動靜皆宜, 朋輩眼中,你係有個健康既社交網絡, 你有好多朋友, 你亦唔難尋找伴侶。
走開E條路既人，就算本身勁沉溺日本女優，都唔會好敢話比人知，你會希望人地覺得你對日本女優，都係Ｄ睇過下就算既影像，並唔係一心想找個女朋友係蒼井空, 就係因為Ｅ個IMAGE, 就令你唔會去睇惠比壽。
(但我發現好多宅男以為自己係行開非宅男類,所以, 非宅男同宅男類都係冇去睇惠比壽。）
"IMAGE", 其實有時唔係刻意CHOK 出黎, 有時係自己以為自己理應係咁。
自己說服自己係Ｅ個ＩＭＡＧＥ， 所以自己有個意識去判斷，克制自己既處事方法，控制自己既反應之類。
咁樣生活，未必係最舒服。
你用開０個一套既反應，處事方法，有時轉一轉，可能會發掘更多你自己。
而近排，覺得自己年紀大，想體會多Ｄ，感受多Ｄ，試多Ｄ野，我講梗唔係工作，或者去個旅行，ＥＤ太表面了。
我講梗係，做另一個人。
用另一個人既身份生活，試下投入該人物既生活，因應０個個生活，而有既情緒；又設定該人物既喜好，說話既語調。
咁樣講，好似拍戲咁投入一個角色。
其實都似既，而容許我作Ｅ個嘗試既平台係ＦＡＣＥＢＯＯＫ
大家有興趣可以ＡＤＤ 另一個我：Josephine Siao
Ｅ個人物都當左一段日子，而家個ＩＭＡＧＥ仲揣摩梗，不竟唔同打機，不可以一開始就設定哂所有野，個ＩＭＡＧＥ係對大眾要花時間，要下心思地建立出黎。去當另一個人物，用另一個語氣另一套思維生活，我發現所體會既野都幾過癮。
＊Ｅ個Ａ／Ｃ，唔係一心開黎呃人，我唔係Ｄ變態呃靚妹既網友，原先係為左一個ＧＡＧ，同一個見過唔夠兩次既朋友而開。開開下，我發現，原來用唔用同既ＩＭＡＧＥ，會遇到唔同既事，唔同既人。
仲可以反思下而家既自己。
ＡＮＹＷＡＹ，你地可以抱玩下既心態ＡＤＤ下，都幾有娛樂性架，另一個我，好靚架！
文: 區比亞
自2010年藝術畢肓生
逢星期五 VAPIN 發佈
